2016 ж. 18 наурызында «Өрлеу» БАҰО» Астана қ. бойынша ПҚ БАИ–да Наурыз мейрамына арналған мерекелік шара өтті. Залдың безендірілуі мен қызметкерлердің ұлттық киімдері мерекеге ерекше мәртебе берді. Мереке «Өрлеу» БАҰО» Астана қ.бойынша ПҚ БАИ директоры Саинова Л.А. және «Өрлеу» БАҰО АҚ директорлар Кеңесінің төрағасы Абенов М.А. құттықтау сөздерінен басталды. Мереке барысында Наурыз көже, шашу, ұлттық ойындар, әдет-ғұрыптар мен салт-дәстүрлер көрсетілді. Жас мамандар А.Бурабаев, Н.Нысанбаева, Р.Темиржан, К.Женесбаева, Ж.Курманованың қатысуымен «Наурыз — жастықтың бастауы» сайысы мереке шырайын келтірді. Сайыстың жеңімпаздары «Сегіз қырлы бір сырлы», «Сері жігіт», «Наурыз аруы», «Талантты ару», «Шебер ару» атты жүлделерге ие болды.