«Өзін-өзі тану. Сабақтағы жалпыадамзаттық құндылықтар» рухани-адамгершілік білім беру бойынша біліктілікті арттыру курстарының үшінші аптасы аяқталды (тренерлер: Даулетбаева Г.К., Клименко Н.А.).
Тыңдаушылар «Өзін-өзі тану» рухани-адамгершілік білім беру бағдарламасын іске асыру әдістері» үшінші модульдің материалдарымен танысты. Бұл модульді оқу барысында келесі әдістер мен әдістемелік тәсілдер қолданылды: тыныштық сәті, оқиғаларды әңгімелеу, педагогикалық және өмірлік жағдаяттарды шешу, рухани-адамгершілік мазмұндағы ақындық мәтіндерді жазу, қойылымды сахналау, берілген тақырып бойынша көрнекі композицияларды жасау және топпен ән айту.